På grunn av ombyggingar måtte velferdsbutikken flytte inn i midlertidige lokaler, og etter litt snikkering av nye hyller og plassering av varer var det klar for opning!
Ei slik storhending måtte sjølvsagt feirast med velkomstdrikk, kanapear og snorklipping ved stasjonssjef/ordførar Finn.
Og, slik det er vanleg ved alle større opningar; kulturelle innslag. Her ved Torstein med gitar og song.
Alle dei «faste kundane» fekk deretter ei orientering over alle funksjonane butikken byr på
. Butikksjef Tone forklarte korleis ein går fram når ein ønskjer å handler ei vare i den døgnopne butikken, medan postfunksjonær Lisanne orienterte om avdelinga «Post i butikk».
Etter den offisielle delen av opninga var over vart det loddtrekning på inngangsbilletten, der det vanka pakke til alle (eit representativt utval av varene i butikken)! Til slutt fekk sjølvsagt alle handle av hjartans lyst. Butikksjefen rapporterar om ei solid omsetning!