Halloween

  DSCN3879Hallo, (h)vin!! Jau då, vi griper ein kvar anledning til å ha det litt moro! Og ein slik anledning som halloween kan ein ikkje late fare frå seg. Kjøkenet diska opp med nydeleg tapas, og fleire skumle skapningar dukka opp til middag! Til og med på sonden kunne ein ikkje vere heilt trygg, var det ein ulv i fåreklær som slapp ballongen i kveld?

DSCN3888  DSCN3880  DSCN3882   DSC_0830 DSCN3887  DSCN3897

Oktoberfest!

Heilt på tampen av denne månaden må vi berre nemne at vi også har hatt oktoberfest! Med både smaksprøvar på diverse ølsortar, foredrag, allsong og kostymer på plass låg alt tilrette for ein triveleg heilaften!

IMG_0047

For å komme i den rette stemninga serverte Thomas Sachertorte til «trekaffen», og litt seinare var det klart for «halvfempils» som var ein smakprøve frå det nyopna Svalbard Bryggeri. Under middagen øvde vi på «Ein prosit» (tysk drikkevise) som forsmak på songheftet alle skulle få utdelt seinare på kvelden. Etter middagen var det tid for omkledning til «lederhosen» og «tyrollerkjole» før vi fortsette oktobersfesten i hangaren, der det var rigga til langbord. Gunn Tove hold eit foredrag om ølsorter, og det vart både allsong og dans til tysk oktoberfestmusikk!

IMG_0646  DSCN3858   IMG_0615  DSCN3853  DSCN3839  DSCN3836    IMG_0629  DSCN3865  DSCN3844

Takk til Inge som var primus motor for årets oktoberfest 🙂 Vi vil også rette ein stor takk til Steve på Karlsberger pub og Jørn på Kroa i Longyearbyen for all hjelp til arrangementet!!

 

 

Helikoptertur over øya

Sysselmannshelikopteret var her, og vi fekk vere med på tur over øya!

Sysselmannshelikopteret var her, og vi fekk vere med på tur over øya!

Sysselmannshelikopteret har vore her for å flyge ut utstyr etter fugleforskarane som har vore her på øya i sommar, og tenk – dei hadde ledige plassar, og vi fekk vere med på rundtur! Etter å ha vore her i fleire månader og gått øya på kryss og tvers til fots, og køyrt rundt øya med båt, var det utruleg kjekt å få sjå den kjære øya vår frå lufta også! Turen gjekk over Amfiet, Teltvika, Ellasjøen og bort til Kvalrossbukta der vi dart droppa, medan helikopteret flaug fleire hiv med diverse utstyr til stasjonen. Etter ein times tid vart vi henta igjen, og turen tilbake gjekk langs Fuglefjellet med Stappen og Sylen, langs brinken på vestsida og tilbake til stasjonen igjen.

Vi vil takke mannskapet so veldig for denne flotte turen som vi seint vil gløyme!

DSC_0891 DSC_0907DSC_0939DSC_0929 DSC_0922 DSC_0952 DSC_0955 DSC_0960 DSC_0966 DSC_0983 DSC_0871  DSC_0984

 

 

Haustbåt

sjøbjørnFor ei stund tilbake hadde vi besøk av KV Harstad, og vi blei kvitt masse søppel, maskiner  og utstyr etter bygging av nytt vasstankbygg. Alt frå gravemaskin og betongblandarar til kjeldesortert byggemateriell etter revet vasstankbygg, blei transportert med flåte til kystvaktskipet, der det blei last ombord med kran. Både stasjonsbåten og Kystvakta sin Sjøbjørn gjekk i skytteltrafikk mellom kaja og Kystvakta. Det vart mange lass, men det gjekk radig med to flåter!

Etter ein god dags arbeid kunne vi nøgd konstatere at det hadde blitt svært so ryddig og fint ned i hamna, og vi kunne vinke farvel til Kystvakta for denne gong.

IMG_0014  Vidar2  Lisanne   stasjonsbåten  kystvakt

4 ballonger om dagen

DSC_0828Frå 1. oktober skal vi sleppe 4 ballonger om dagen, i staden for 2 slik det er i sommarhalvåret. Tone fekk æra av å sleppe den fyrste ballongen på morgonvakta – som  begynte 10 min før det ho har vore van med fram til no. Tross at kaffikoppen måtte vente til etter sleppet og ein sonde med dårleg signalstyrke var humøret upåklageleg og ballongen var i lufta kl. 07.15 presist!

Slik det går fram av bileta var det ein nydeleg morgon på øya, som var dekt av eit kvit teppe av hagl og kornsnø. Til og med Aki måtte komme ut av huset sitt for å nyte finveret.

 

Full storm!

DSC_0797Sidan i går har det vore vindfullt her på øya, og i natt blåste det opp til full storm! Rundt midtnatt tok vi turen ut for å kjenne på naturkreftane; «surfe» på vinden og høyre bølgesusen. Heftig! For stakkars Eerki vart det litt i overkant heftig, taket på huset hans blåste bort og han måtte tilbringe natta i hangaren.

Bortsett frå eit par antenner som blåste bort og noko «lausøre» som har spredd seg rundt omkring på tunet, er ingen store skader skjedd. Dagen i dag har vore prega av mykje vind, høge bølger, CB-ar og TCU-ar og andre spennande skyer, hagl, sludd og snø om kvarandre, og til og med litt sol! Med andre ord, ein skikkeleg flott dag for oss er i overkant opptatt av vêr! Her eit glimt frå dagen:

  DSC_0800     DSC_0786     DSC_0824DSC_0818